Apeqqut taanna nunap immikkoortortaannut aningaasaqarnikkut sunniutaasinnaasunik misissueqqissaarnermit akiniarneqartut pingaarnerit ilagiinnarpaat.
Qeqqata kommunia aningaasaqarnikkut iluanaaruteqarnersaassaaq. Kisiannili aamma aningaasaliingaatsiartariaqartussaalluni, innuttaasut sullinneqartussat amerlanerulernerisa malitsigisaannik.
Akerlianillu Qaasuitsup Kommunia aamma Kommune Kujalleq aningaasaqarnermikkut eqqornerliorneqarsinnaassasut ilimagineqarpoq, tassami taakkunani innuttaasut aluminiuliorfik pilersinneqassappat Maniitsunut nutsernissaat ilimanaateqarluarmat. Suliniulli aatsaat piviusunngussappat taama pisoqassaaq.
Aluminiumik suliniut maannamut kisiartaalluni nunap immikkoortortaanut sunniutaasinnaasunik misissuiffioreerpoq. Qularutissaanngilarli aatsitassarsiornermi uuliasiornermilu suliniutit annertuut aamma nunap immikkoortortaanut sunniuteqarumaartut.
Nalunaarusiaq suliffeqarfimmit siunnersuinermik sulialimmit, Copenhagen Economicsimit Greenland Developmentimut suliarineqarpoq, nittartakkamilu aluminium.gl-imi atuarneqarsinnaalluni.