Aluminiuliorfissuaq nunatsinnut soqutiginnippoq

Nunarsuarmi aluminiuliorfiit annersaasa ilaat nunatsinnut soqutiginnippoq.

Taanna tassaavoq amerikamiunit pigineqartoq, Alcoa. Alcoa 129.000-nik sulisoqarpoq, nunanilu 43-ni suliffissuaateqarluni, suliffissuarmillu Islandimi aamma pilersitsisussanngorpoq.

Aluminiuliorneq kallerup inneranik atuinartorujussuuvoq, taamaammat erngup nukingata nunatsinni atorluarneqarsinnaanera takorloorneqarpoq.

Erngup nukinganik nukissiorfimmik milliardinik akilimmik Alcoa nunatsinni pilersitsinissaminut piareersimasoq ilimanaateqarluinnarpoq.

Igalikumi 2004-mi isumaqatigiissut atsiorneqarmalli pingajussaa ataatsimiittoqalerpoq. Ataatsimiinneq Nunanut allanut ministeriaqarfimmi Københavnimiittumi ingerlanneqarluni.

Kalaallit Nunaannit Danmarkimit USA-millu atorfilittat katillugit 65-it ulluni marlunni ataatsimiissapput, ilisimatusarneq, peqqinnissaq takornariaqarnerlu ataatsimiinnermi eqqartorneqassapput.

Aatsitassarsiornermi misissuinermik suleqatigiinnissamik aamma atsioqatigiittoqassaaq.