Alumiiniumik aatsitsivissaq akuerineqaruni 2017-imi tunisassiulissaaq

Aatsitsivimmik sanasoqassanersoq Naalakkersuisut aalajangernissaannut nalunaarusiaq atorneqartussaavoq. Aastitsivissap aammalu erngup nukinganik nukissiuutinik sanaartorneqarnerani kalaallit nunaqavissut qassit sulisorineqassanersut nalunaarusiami Greenland Developmentimit suliarineqartumi ilanngunneqanngilaq, Greenland Developmentimi paasissutissiisartoq Ellen Christoffersen oqarpoq.

Alumiiniumik aatitsiviup sanaartorneqarnerani tunisassiornermilu sulisussat qanoq amerlatigisut pisariaqartinneqarnersut nalunaarusiami ilanngunneqarput. Aatsitsiviup sanaartorneqarnerani sulisussat 3400it missaannik amerlassususeqarnissaat naatsorsuutigineqarput. Aatsitsivik tunisassiulerpat inuit 1200-it missaannik amerlassuseqarnissaat naatsersuutigineqarput. Nunaqavissut qassit sulisorineqarumaarnersut nalunaarusiami ilanngunneqanngilaq, maannammut ilisimaneqanngimmat nunaqavissut qassit pisariaqartinneqarumaarnersut. Aatsitsivissamik sanaartortitsiniartut pingaartippaat aatsitsivissamik sanaartortoqarnerani tunisassiornermilu kalaallinik sulisoqarnissaq. Aatsitsiviup sanaartorneqarnerani sanasut elektrikerit mekanikerit inginiørit sanaartornermilu suliaqartut pisariaqartinneqassasut, Ellen Christoffersenip oqaatigaa. Kiffartuussinermik suliaqartut aatsitsiviup sanaartorneqarnerani tuniusassiornerullu nalaani.

Alumiiniumik aatitsiviliornissamut naalakkersuisut aalajangernissaata tungaanut nalunaarusiat arlaqartut saqqummiunneqassapput. Alumiiniumik aatsitsivimmik sanasoqassanersoq inatsisartut ukiaru aalajangiiffigissavaat. Akuersissutigineqarpat aatstsivik ukioq 2017-imi tunisassiulissaaq