Alpin GM taamaatinneqanngilaq
Silap ajoqattaarnera pissutigalugu nunatsinni sisorarnermik pissartanngorniunissat poorskikkunni ingerlanneqassapput.
Inersimasuni sangusaarluni pissartanngorniunnissat pilersarutaasumik Nuummi Qoororsuarmi poorskikkunni ingerlanneqassapput. Meeqqallu Sisimiuni pissartanngorniutissanersut ullumi aalajangerneqassaaq.
Ujakkaarluni inersimasut meeqqallu pissartanngorniunnissat Nuummi ingerlanneqaratik Aasianni aamma poorskikkunni ingerlanneqassapput.
Snowboardertartut pissartanngorniunnissaat taamaatiinnarneqarpoq, taarsiullugulu aasaru ingerlanneqassapput Apussuarni (Maniitsup eqqaani) imaluunniit Aqqutikitsumi (Sisimiut eqqaanni) ingerlanneqaannassapput.
16-nit inorlugit ukiullit snowboardimik Nuummi unammisinneqassapput, unammeriaatsimi pissanngatigineqartaqisumi Forum Youngbloods, tassani unamminermi aappagu Arctic Winter Gamesmi Alaskami peqataasussat aamma anngunniutissapput.