Alluitsup Paani pitsaaliuinialerneq
Alluitsup Paani imigassamik ikiaroornartumillu ajornartorsiuteqarnerup qanoq isilluni siunissami qaangerniarneqarnissaa innuttaasunit unnugu ataatsimiissutigineqassaaq.
Ataatsimiititsinerlu ilaatigut atornerluineq pillugu siunnersortimik Paarisameersumik, politiineersumik nakorsamillu peqataaffigineqassapput.
Sila taqqavani aamma akornuteqarmat Qaqortumeersut ataatsimiinnermi peqataasussat tikinngitsoorput.
Tikinngitsooraluartulli ataatsimiinneq pilersaarutaareersutut ingerlanneqassaaq, alluitsup Paani inuit alloriaqqinnissaat Anders Karolussenip pisariaqalersoraa, oqallissaarutinillu allagaqarnermigut amerlasuut peqataajumalersimapput.
Ataatsimiinnermi aaqqissueqataasoq Annassi Karolussen taama oqarpoq. Alluitsup Paani innuttaasunik unnugu ataatsimiisitsinissaq, nunaqarfimmi sapaatip akunneri marluk matuma siornagut angummik 43-inik ukiulimmik toqutsisoqarneranik aamma tunngaveqarpoq.
