AllStarsimut SMS-ikkut taasisinnaalissaagut
TV2-kkut erinarsorluni unammisitsisoqarnerani AllStars-imi, sapaatiuppat aallakaatinneqartussami, Julie Berthelsen-ip erinarsoqatigiivisalu unammineranni nunatsinniit tapersersuerusuttut TELE-p periarfissippai.
Erinarsoqatigiinnut ajugaasunut akissarsiat 250.000 kronit peqatigiiffimmut Nanu Børn-inut tunniunneqarnissaat Julie-p oqaatigaa. TV2-p KNR-illu aallakaatitap toqqaannartumik aallakaatinneqarnissaa isumaqatigiissutigivaat, taamaalillutik Kalaallit Nunaanni najugallit tamaasa malinnaasinnaanissaannik nuannarinerpaasaminnillu taasisinnaanissaannik periarfissillugit. Julie erinarsoqatigiinilu peqataammata uatsinnut pingaaruteqarpoq Kalaallit Nunaanni atuisutta SMS-erlutik taaseqataasinnaanissaat Tele Greenlandimeersoq Milan Lund oqarpoq. Neriuutigineqarpoq amerlasuut Juliep erinarsoqatigiivinik tapersersuillutik taasisinnaanertik atorluarumaaraat.
Julie Berthelsenip erinarsoqatigiinni erinarsortussani 20-iusut Nuummi Københavnimilu toqqarpai. AllStarsimi erinarsortussat sisamaasut, erinarsoqatigiit erinarsortussatik illoqarfigisaminneersunit toqqaapput. Erinarsortussat sisamat Københavnimit Århusimit Ålborgimit Nuummiillu pisuupput. Julie Nuummeersuulluni.
AllStars siullermik aallakaatinneqassaaaq sapaatiuppat aprilip ulluisa 18anni, tamatumalu kingorna tallimanngornerip tamaasa ualikkut sisamanut aallakaatinneqartassalluni. AllStars imi peqataasunik SMS atorlugu taasineq ataaseq 5 koruuninik akeqarpoq, qulingiluariarlunilu taasisoqarsinnaasoq Tele Greenland nalunaarpoq.
