AllStarsimut peqataasussat ilaat anngutinngitsoorpoq
Arsakut innermik anitsinermit qullaatat pissutaallutik, Mads Lumholt Danmarkilianngitsoorpoq.
Erinarsoqatissaraluani ungasianiit tv-kkut isiginnaarpai, tamanna inuttaanut peqataasunullu nuannerpallaarsimanngilaq.
- Soorlu uanga nukappiarannguaq tallimanik ukiulik kammalaatikka tamarmik qaaqqusaasut, tunissutissarsereerlunga nalliuttumut qaaqqusaanngitsoortunga, tassa taamak misigisimavunga, Mads Lumholt oqarpoq.
Taamaattoq erinarsoqatigiit torrallaanerarpai, tanngassimaarutigalugillu.
Peqataasut piffissaq kingulleq tikillugu neriussimagaluarput Islandimi innermik anitsineq timmisartukkut angallannermut akornutaajunnaassasoq, tamannaammammi tikinngitssoornermut pissutaasoq.
- Peqataasut atugarliuusallutik pisariaqanngikkaluamik nanertisimasimasut paasivara, nuannisarnerullutik eqqissillutillu ingerlasimasinnaagaluarnerat uggoreqaara, tamanna ingammik Ninamut annerusumik nammatassiivoq, taamaattoq pitsaanerit akornanniippugut. Mads Lumholt oqarpoq.
Mads Lumholt Danmarkimut tallimanngorpat anngussimassanngikkuni, immikkut pilersaaruteqarlutik oqarpoq, tamannalu suussanersoq oqaatigiumanngikkallarpaa.
