AllStarsimit aningaasat Narsamut
Tassami meeqqanut inuusuttunullu suliniaqatigiiffik Nanubørn aningaasat illoqarfimmi meeqqat ornittagassaannut atorneqassasut aalajangermat. Nanubørnip siulittaasuata Krissie Berthelsenip neriuutigaa ornittagaq aggustip qaammataani pilersinneqassasoq.
Sooq Narsami ornittagaq?
- Pissutigalugu Narsami namminneq piumassutsiminnik suliniuteqartut amerlaqisut ornittakkamik ingerlatsinissartik soqutigimmassuk, aammalu suliassatut pilersaaruterput pingaaruteqarmat, Krissie Berthelsen Wiinberg oqarpoq.
Suliniaqatigiiffiup ornittakkap pilersinneqarnissaa pillugu Kommune Kujalleq oqaloqatigalugu aallartippaa.
- Ornittakkami taamatut ittumi inuit arfineq-pingasut qulillu missaanniittut pisariaqartinneqassapput, tamannalu namminneq piumassutsimik suliniuteqartunik kisimi tunngaveqarsinnaanani. Taamaattumik kommunilu isumaqatigiissuteqarnissarput neriuutigaarput, Krissie Berthelsen Wiinberg oqarpoq.