Allornitit mobilimi naatsorsukkit
Inuit 700-ut inulaarlugit amerlassusillit nittartakkamut Amisut.glimut nalunaarsorsimapput tassani ullup ingerlanerani qassinik allorsimanerlutik nalunaarsorsinnaavaat. Tamanna sakkut ilagaat innutaasut timigissarnerulernissaannik kajumissaarinermi maannalu tassa allornerit ajornannginnerusumik nakkutiginissaannut inuunerissaasut periarfissiipput.
Iphone-illit app-iannik pilersitsipput nittartakkap iluani periarfissat assiginik periarfissiisumik, tassangalu atuilernissamut ilitsersuut www.amisut.glimi aaneqarsinnaavoq.
- Una app-eq www.amisut.gl-imut tapiuvoq. App-eq atorlugu ulluinnarni allornitit nalunaarsorsinnavatit, sammisatit allat allorninngortissinnaavatit, ullormullu anguniakkatit ajornannginnerusumik imaaliallaannaq malinnaaffigalugit. Una allornernut kisitsissutaanngilaq, inuunerissaasut taama nalunaarput.
Inuit kikkulluunniit Amisut.gl-imut ilanngussinnaapput periarfissallu ilagaat eqimattanngoriarluni unammineq kikkut amerlanernik allorsimanersut unammissutigalugu.