Allarsuaq ujaaraat
Tysklandimi nunap immikkoortuani Bayernimi ukiuni 170-ini allarsuarniartoqarsimanani maanna allarsuarniartoqarpoq.
Italiami nuna eqqissisimatitaq Adamello-Brentamik taagorneqartumit allarsuaq ”Bruno”-mik taaneqartoq maajip aallartilaarnerani qimaasimavoq, sapaatiummalli piniartut uumasullu nakorsaat qimmilisarlutik allarsuarniarlutik aallarput, neriuutigaallu allarsuaq uumatillugu pisarineqassasoq.
Tamanna angujumallugu ilisimajunnaartitsissummik aallaasilerluni piniartoqarpoq. Aallarsuarli saassussissagaluarpat aallaallugu toqunneqartariaqarnissaa aamma sillimaffigineqarpoq.
Bruno pisarineqassagaluaruni sumi inissinneqarnissaa suli nalunarallarpoq.
Ilimagineqarpoq Tysklandimi inissinneqartariaqassasoq, Italiamiummi allarsuaq tigoqqikkusunngilaat.
Bayernimi oqartussaasut aallaqqaammut oqaatigisimagaluarpaat allarsuaq aallaaneqartariaqassasoq, tamannali uumasunik illersuiniaqatigiiffinnit arlalinnit assuarliutigineqarsimavoq.