Avatangiisinut paarsisut naapertorlugit allarsuaq toqunneqartoq Arthurimik ateqarpoq, taannalu ukiorpassuarni nakkutigineqartuulluni. Assimi Arthur takuneqarsinnaavoq.Assi: Scanpix

Allarsuaq Europami anginerpaaq prinsimit toqunneqarsimasoq pasilliutigineqartoq

Allarsuaq ukiunik 17-inik utoqqaassuseqassangatinneqartoq prinsimit Liechtensteinimit Rumaniami qaqqani Karpatini unioqqutitsisumik toqunneqarpoq.

Rumaniami kina nunami allarsuit anginersaannik unioqqutitsilluni toqutsisimanersoq misissuersuaarneqaleruttorpoq.

Avatangiisinulli illersuiniartut oqarnerat naapertorlugu Liechtenteinimi prinsi inatsisinik unioqqutitsilluni Rumaniami qaqqat ilaanni aallaasimavaa, dpa allaaserisaqarpoq.

- Prins Emanuelip Europami allarsuarni anginerpaaq utoqqaanerpaarlu Rumaaniami toquppaa, taama pasinnerpalaartumik, BBC-p, nunallu tamalaat nutaarsiassaqqartitsivii nittartakkatigut taama siammarteripput.

Allarsuaq toqunneqartoq ukiunik 17-inik utoqqaassuseqarpoq, Romaaniamilu allarsuarni takuneqarnikunik anginersaalluni. Taanna prinsip Østrigimi illorsuarminit marsimi aallaaniarnerani prinsimit aallaaneqarsimavoq. Prinsip pasilliutigineqartut qisuariarfiginngilai.

Allarsuit eqqissisimatitaasut

Rumaaniami avatangiisinut paarsisut suliamik misissueqqissaarnertik apriilip ulluisa 29-anni aallarnerpaat. Allarsuaq Rumaniami eqqissisimatinneqartunut ilaavoq.

- Allarsuarmik arnavissamik akuersissuteqartoqarnikuusoq nalunngilarput, kingusinnerusukkulli angutiviamik nassaarpugut, avatangiisinut paarsisut siuttuat, Octavian Berceanu oqarpoq.

Rumaniami avatangiisinut ministeri, Tanczos Barna avatangiisinut paarsisut akisussaaffigai, taassuma allarsuarmik arnavissamik, piffimmi innuttaasunut ulorianartorsiortitsisutut nalilerneqartumik aallaannittoqarnissaanut akuersissuteqartoqarnikuusoq oqaatigaa, taassumali kimut akuersissuteqartoqarsimanersoq paasissutissiissutiginngilaa.

Allarsuit 6000-t

- Allarsuaq ukiunik 17-inik utoqqaassuseqarpoq, allarsuarnilu Rumaniami immaqalu Europami aamma tamarmi anginerpaagunarluni, Agent Greenip siuttua, Gabriel Paun oqarpoq.

Uppernarsaat nannup oqimaassusaanik angisussaanillu uppernarsaataasup Agent Greenimillu tamanut saqqummiunneqartup Emanuel von und zu Liechtenstein aallaannittuusoq takutippaa.

Rumaniami allarsuit 6000-t sinneqassangatinneqarpoq, taakkulu Europami allarsuaqatigiinni amerlanerpaallutik. Allarsuit rumaniap 30 procentiani siaruaateqqapput, amerlanerpaallu piffimmi Karpatimiillutik.

EU-mi malittarisassat malillugit Rumaniami allarsuarniarneq 2016-imi inerteqqutaalerpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat