Allanniarnermik ajornartorsiuteqartut sammineqassapput

Inersimasut atuarniarnermik allanniarnermillu ajornakusoortitaqartut pillugit ataatsimeersuarneq Namminersorlutik Oqartussanit aaqqissuunneqartoq, Nuummi sapaatip akunnerani uani pissaaq.

Ilinniagaqarsimanngitsut ilinniagaqarnissaat ilinniagaqarsimasullu ilinniarteqqinneqarnissaat piumasaqaataassasoq, ataatsimeersuarnermik aaqqissuisut isumaqarput

Ataatsimeersuarneq Nunat Avannarliit ministerrådiat suleqatigalugu aaqqissuunneqartoq, marlunngorpat pingasunngorpallu pissaaq.

Peqataasut oqallissaarisullu Nunanit Avannarlernit tamaneersut ilisimasaminnik misilittakkaminnillu saqqummiussissallutik.

Inersimasut atuarniarnermik allanniarnermillu naammanngitsumik pisinnaasaqarnermikkut suliffeqarnikkut peqataanissamut ajornakusoortitaqartarput oqartussaaqataanissamut aamma inuit akornanniinnissamut periarfissakinnerusarlutik. Taamaattumik taamatut ataatsimeersuartitsinikkut inersimasut atuarniarnermik allanniarnermillu pisinnaasaannik pitsanngorsaatissat Naalakkersuisut samminiaraat, tusagassiuutinut nalunaarummi oqaatigineqarpoq.

Ataatsimeersuarnermut nangitsissutitut Inuussutissarsiornermut Suliffeqarnermullu Naalakkersuisoqarfik aamma Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik marsip 24-anni kalaallinut peqataasunut ataatsimiititsissapput. Ulloq Nunatsinni qanoq inersimasunut atuarniarnermik allanniarnermillu ajornakusoortitaqartunut neqeroorusiorsinnaanerput pillugu Naalakkersuisunut aalajangersimasumik kaammattuusiorfiussaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat