Allannguinissamut piareersimaqquneqarput

Allattoq Mads Lynge
januaarip 27-at 2007 17:43

”Piffiit nutaat tikereerpavut. Taamaammat Nunatsinni inuussutissarsiortut Nunarsuarmut ineriartortumut peqataassagunik, aamma allannguinissanut angisuunut piareersimasariaqarput”.

Inuussutissarsiortoq sulisitsisullu peqatigiffianni ILIK-mi pisortaq, Stephen Ulrich-Lynge taama oqarpoq.

Namminersortut suliffinnik tigooraanerat minnerunngitsumik ingerlaannartariaqartoq nangippoq:

- Tamakkiisumik isigalugit assigiinngitsut namminersortut tigusartagaat ajunngitsumik ingerlasarput, nunattalu nammineeriartornissaa eqqarsaatigalugu pingaaruteqarluinnaqqissaarpoq pigisat namminersortunit tiguneqarnissaat, Steffen Ulrich-Lynge oqarpoq.

Nunatsinni inuussutissarsiutit pillugit Itisiliinermi annerusumik tusagaqarsinnaavutit, nittartagarput KNR GL titarneq uingasoq Itisiliineq alakkarukku. Tassani ullumi aallakaatitaq tusarnaaqqissinnaavat.