Allamik qaartartoqarnerarlugu mianersoqqusisoqarpoq
Danmarkimi qimuttuitsut unittarfianni Klampenborg Stationimi maanna aamma qaartartoqarnerarlugu mianersoqqusisoqarpoq. Klampenborg Stationip eqqaa politiinit assersorneqarpoq inuerutinneqarluni qimuttuitsullu unitsinneqarlutik.
Allattoq Elisa Isaksen
Berlingske.dk-mi aamma allaaserineqarpoq, Københavnimi Frederiksberg Centeri aamma assersorneqalersoq.
- Taskimik pasinartumik nassaaratta, tamannali qanittukkut aatsaat pimmat annerusumik oqaaseqarsinnaanngilanga, Henrik Suhr, Sjællandip avannaani politiineersoq ekstrabladet.dk-mut oqarpoq. Taassuma taski qanoq ittoq pineqarnersoq oqaatigiumanngilaa.
Taski qimuttuitsut unittarfianni perusuersartarfimmut qimanneqarsimasoq, Ritzauimit oqaatigineqarpoq.
Qaartartunik misissuinermi atorneqartartoq rullemarie Klampenborgimi qimuttuitsut unittarfiannukaanneqartoq, Ekstrablad.dk-mi aamma allaaserineqarpoq.