Allakkatigut qinersineq aallartingajalerpoq
februaarip 10-at 2005 04:23
Kommunalbestyrelsinut nunaqarfinnilu aqutsisunut qinersinissamut allakkatigut qaqugu qinersinnaalernissaq Qinersinermut Ataatsimiititaliap saqqummiuppaa. Kommunalbestyrelsimut apriilip 5-anni qinersinissami qinersivimmi najuussinnaanngitsut periarfissaqarput februaarip 22-anniit aallakkatigut qinersissallutik, nunaqarfinnillu aqutsisunut allakkatigut qinersineq aallartissaaq marsip 15-anni.
Nunaqarfinnut aqutsisunut qinersineq apriilip 26-anni pissaaq.
