Allakkat pingaarutillik suli tammaaneqarput

Norgemi inuppassuarnik siorna juulip ulluisa 22-anni toqoraasoqarmat allakkat paasissutissanik pingaarutilinnik mianernartunillu imallit tammaaneqarput. Taakku sumiinnerat kialuunniit ilisimanngilaa.
Allattoq Ritzau
juulip 07-at 2012 15:34

Oslop qeqqani naalakkersuisoqarfik siorna juulip ulluisa 22-anni qaartartumeerneqarmat allakkat tammaaneqartut periarfeerunneqartulluunniit paasissutissanik mianernartunik isertortunillu sunik imaqarnersut Norgemi ministereqarfiit arlallit suli nalunaarutiginngilaat.

Anders Behring Breivikip  nammineq qqartartuliani, tonsinik marlungajannik oqimaassusilik, qaartimmagu ministeriunerup allaffia, ministereqarfiit arlallit taakkulu qitiusumik kiffartuussiviat eqqorneqarput.

Qaartartumeerinermit ukioq ataasiangajak qaangiutereeraluartoq, tammaasat qanoq amerlatiginersut, qanorlu pisimanersut, Naalagaaffimmi Isumannaallisaanermut Oqartussat suli iluamik paasinngilaat. Nutaarsiassaqartitsivimmi, ABC-mi, tamanna allaaserineqarpoq.

Kikkulluunniit namminerisamik nalunaarusianik tunniussaqarnikuunngillat, isumannaallisaanermullu oqartussat tuavisaarutinik allattariaqarsimapput. Pingasuinnaat siorna oktobarip ulluisa 21-at nallertinnagu nalunaarusiorput, ministereqarfiillu naggataarutaasumik nalunaarusiaat arlallit suli amigaataapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq