Allakkanut nakkartitsiveqarnissaq pisussaaffigaat
Allakkanut nakkartitsisarfeqanngikkuit – allagarsinavianngilatit. Post Greenlandimit ullumikkut taama oqaatigineqarpoq. Tamatumunnga atatillugu erseqqissarneqarpoq, allakkanut nakkartitsisarfeqarnissaq, imaluunniit matumi silarlermi allakkanut nakkartitsisarfeqarnissaq, inatsisitigut piumasaqaataammat. Taakkua piginngikkaanni allagarsinngitsoortoqarsinnaavoq.
Inatsisartut peqqussutaat 2004-meersoq naapertorlugu angerlarsimaffiit allakkanut nakkartitsisarfeqanngitsut, imaluunniit matumi silarlermi allakkanut nakkartitsisarfeqanngitsut, allakkerivimmiit imminiiginnarneqarsinnaanerat periarfissaavoq. Aamma angerlarsimaffiit ataasiakkaat kisimik allakkanut nakkartitsisarfeqarnissamut pisussaaffeqanngillat. Inatsimmi aamma pineqarput suliffeqarfiit pisortallu allaffeqarfii.
Taamaattumik Post Greenlandimit allakkanut nakkartitsisarfiit eqqaamaneqarnissaat paasisitsiniutigineqalerpoq. Tassami allakkanut nakkartitsisarfeqanngikkaanni ilaquttanit juullimut allagarsinngitsoortoqarsinnaammat.
