Allakkanik nassiussineq akitsussaaq

Allakkat 20 gram ataallugu oqimaassusillit A-nik taaguuteqartut Kalaalllit Nunaanni nassiunneqarnerat 10 kr.-mit 11 kr.-mut januaarip 19-iani akitsussapput, allakkallu Europamut nassiunneqartut maanna 11, 50 kr.-qaraluartut 12,50-qalissapput, Tele-Post nalunaarpoq.

Allakkat nassiunneqartartut ikiligaluttuinnarnerat pissutigalugu allakkanik nassitsinermi aki qaffanneqartariaqartoq, Tele-Post  nalunaarpoq. Qarasaasiat atorlugit attaviit allaqatigiittarfiit attaveqatigiittarfiillu atorneqalernerisigut qangatut allagarsisarneq atorneqarpallaarunnaarpoq. Allakkalli puui igaalasartallit taakkua allagarsiarineqartuaannassapput. Tele-Postimit erseqqissaatigineqarpoq allakkat nassiunneqarnerisa akii kisimik qaffanneqartut.

Akitsuineq allakkanuinnaq atuutissaaq
Poortukkanik nassiussinermi aki qaffanneqassanngilaq, Kalaallit Nunaannut Danmarkimullu indbetalingskortit  allanngunngillat Kalaallit Nunaanni allakkanut poortukkanullu akiliutigineqartartut aamma allannguuteqasanngitsut, Tele-Post nalunaarpoq.

Akinut nutaanut paasissutissaq quppersagaq Tele-Post Centerini tamani ukiumi nutaami aaneqarsinnaasoq Tele-Post tusagassiuutinut taama nalunaaruteqarpoq  aamma nittartakkami post.gl-imi akit allannguutaat atuarneqarsinnaapput.