Allakkanik aatsisartut qimminit akornusersorneqartarput
Qimmiutillit amerlanerpaat qimmeqartarput inequnarnerpaanik ajunnginnerpaanillu, tamannali allakkanik aatsisartut tamatigut ilisimaneq ajorpaat. Qimmit ilaat allanngorluinnarsinnaasarput, aatsisartunut qununarsillutik, ajornerpaamillu pisoqartillugu aatsisartut kiineqarsimasarput, allatut ajornartumik napparsimmaviliartariaqartarlutik.
Tele-Postip sullitatik kajumissaarpaat, qimmitik pituttaqqullugit kalunnilerlugit allunaasalerlugilluunniit, matumut silarlermut allakkanut nakkartitsivittalimmut, allakkanulluunniit karsitalimmut, anngussinnaanngitsumik.
Qimmit pitussimanngitsut, imaluunniit allakkanut nakkartitsiviit karsilluunniit qanippallaarlugit pitunneqarsimasut pissutigalugit, arlaleriarluni ajornartorsiuteqartoqartarsimagaangat, TELE-POST-ip allakkanik piseqqusaarutinillu adressinut pineqartunut aatsisarnini allatut ajornartumik unitsittariaqalersinnaagaa, Tele-Post ilisimatitsivoq.