"Allagartalersuineq AAMMA kalaallisut"

"Allagartalersuisarneq aamma Kalaallisut" Facebookimi oqalliffissiaq taama atsigaq aallartinneqarsimavoq.

- Oqaatsitta pisortatigoortumik oqaasiulernerisa kingorna, maluginiartalerpakka oqaatsit sorliit atorneqartarnersut, pingaartumik immaqa nuup illoqarfiata qeqqani, pisiniarfissioraangama malugisarpara, ilaannilu aamma eqqarsartarlunga ilumoornersoq nunatsinniilluta qallunaat oqasiisa ulluinnarni allagartalersuinermi oqaasiulersimanerat. Taava assiliisalerpunga assilisakkalu katersoriarlugit, tamanut takusassianngorlugit Facebookimut ikkuppakka gruppiliorlungalu, oqaasilerinermik ilinniartoq Katti Frederiksen taama oqarpoq

Qupperneq Facebookimiittoq 500-ut missaaniittunik ullumi ilaasortaqarpoq. Qupperneq assitalersorneqartarpoq oqalliffiusarlunilu.

- Siunertaraara allagartalersuinerit maluginiarneqalissasut, kalaallisullu allaqqasarnissaat angorusullugu. Ilaasortaasut qisuariaatigisimasaat eqqarsaallatsitsisimapput, ulluinnarnilu oqaatsivut aallaavigalugit pisut oqallissutaasarlutik. Allagartalersuisarnerlu inuit taamaattussaannartut isigisarmassuk qupperneq pilersitara eqiiallaatiginerartarpaat, Katsi Frederiksen oqarpoq.

- Assit assigiinngillat taakku assilisartakkakka, soorlu pisiniarfinni allagartaliussat, pisortani pisortat suliffiutaanni, namminersortuni, bussit unittarfianni allagartaliussat, qalluinaatuinnaq allagartalerneqarsimasut assilisarpakka taavalu ikkullugit. Isumaqarama oqaatsitta pisortatigoortumik taamaatut oqaasiulernerisa tunngavigalugit oqaatsit allat kisiisa atorlugit allagartaliineq inatsimmut assortuinerusoq, minnerpaamik kalaallisut allaqqasalernissaat anguniarlugu, perusukkaluarlugu, allagartalersuinermik allannguerusuttoq Katti Frederiksen taama naggasiivoq.

Facebookimi qupperneq ateqarpoq: Allagartalersuineq AAMMA kalaallisut.