Allaffissuaq ikuallanngilaq
Namminersornerullutik Oqartussat allaffissuat Nuummiittoq ikuallattoqalernerani kalerrisaarutinik malussajalluinnartunik peqartoq ullumi paasinarsivoq, tassami sanasup savimminernut killuummik atuinerata ikuallattoqarneranik kalerrisaarut aallartimmagu, qatserisartut biilii pingasut tuaviinnaq illorsuarmut takkukkaluarput. Sunaaffami ikuallattoqanngitsoq.
Allattoq Najaaraq Egede
aggustip 20-at 2008 17:11
- Namminersornerullutik Oqartussat allaffiassuanni allanngortiterinerit aallarteruttorput, tamaammallu sulisut sakkuminnik kalerrisaarutinik aallartitsisinnaasunik atuilertinnatik kalerreeqqaartartussaagaluarlutik ullumi puigorlugu taamaaliunngillat. Puiguinerlu savimminernik killuileruttornermi putsumik pilersitsinera ikuallattoqarneranik kalerrisaarummik aallartitsivoq, sulisoq Kristoffer Petersen oqarpoq.
Qatserisartunik pissutissaqanngitsumik aggertoqarnera kimit akilerneqassanersoq, maanna sorliup - allaffeqarfissuup sanasulluunniit - akilissaneraa apeqqutaalerpoq.
