Allaffeqarfik nersornaaserneqanngitsoorpoq
Ilulissat kangiat, UNESCO-mit nunarsuaq tamakkerlugu eqqissisimatitassatut 2004-mi kingornussassanngortinneqartoq, Ilulissat Kangiata Allaffeqarfianit nakkutigineqarpoq.
Nersornaat tunniunneqartoq nunani avannarlerni takornarialerinermi immikkut iliuuseqartartumut tunniunneqartarpoq.
Scandic Hotels nungukkiartuutaanngitsumik takornariaqarnermik aallussisunut siuttunut ilaapput. Ilaatigut imermik atuinerup annikillisarnissaa siunertaralugu allarutit arlaleriarlugit atorneqarsinnaalernissaat Scandic Hotelini siuttuuffigineqarpoq, taamatuttaaq qaqorsaammik imerpalasumik atuineq hotelini aamma siuttuuffigineqarluni.
- Iliuutsit annikitsut sunniutilerujussuillu nunarsuup sinnerani hotelinut annertuumik sunniutillit, Nunat Avannarliit nersornaasiinermut tunngavilersuutaat ilaatigut taama nipeqarpoq.
Aamma avatangiisinut mianerinninnermut ilisarnaat - Svanen - Scandic Hotelit 147-t akornanni 114-init pigineqarpoq, ilisarnaat taanna sakkortuunik piumasaqaatitalik ilisarnaatinut pissarsiariuminaannerpaanut ilaavoq.
Pinngortitaq avatangiisillu pillugit nersornaat 350.000 koruuninik aningaasartaqartoq, Nunat Avannarliit novembarip qaammataani ataatsimiinneranni tunniunneqassaaq.
