Aliikkutaralugu aalisariartartut nunatsinni aalisarsinnaalissapput

Kalaallit Nunaanni Takornariaqarneq pillugu Siunnersuisoqatigiit, GTE, oqalugiaqattaartitsinernik aaqqissuisuupput, aalisariartitsinermullu immikkut ilisimasalik Preben Kæseler oqalugiartuusassalluni.

Piffissap takornariarfiusup sivitsorneqarsinnaanissaa periarfissaassanersoq paasiniarneqarpoq, takornarialerisut piffissamik sivitsuisinnaanerat ujartorneqarmat.

- Tyskit Hollandimiullu Kalaallit Nunaata imartaani qeerarniarusullutillu, nataarnarniarsinnaanissartik ujartortarpaat, qaleralinniarsinnaanissartillu aamma ujartorlugu, Preben Kæseler oqarpoq, nangillunilu:

- Aalisariarusuttunik Kalaallit Nunaannukarusuttoqarpoq. Takornarialerinermik suliallit tamanna piareersimaffigigaat nalunngilara, Preben Kæseler oqarpoq, aliikkutaralugu aalisariartitsisarnerit aappaagu aallartinneqarsinnaassasut oqaatigalugu.

Nuummi ippassaani oqalugiartoqarpoq, Sisimiunilu kulturikkut illorsuarmi Taseralimmi unnugu oqalugiartoqassalluni.

Oqalugiarnerit nangillugit sisamanngorpat Ilulissani oqalugiartoqassaaq, tamatumuuna Hotel Arcticimi oqalugiartoqassalluni.