Alianartumik pisoqarnerani angut Nuummi toqusoq
Angut 59-nik ukiulik Nuummi inissiarsuit ilaata majuartarfiini nassaarineqarpoq kingornalu Dronning Ingridep napparsimmavissuani toqulluni.
Allattoq Noah Mølgaard
januaarip 30-at 2012 09:38
Nuummi politiit ataasinngorneq januarip 23-iat ullaassakkut nalunaarfigineqarput angut uppissimasoq inissiarsuit ilaata majuartarfiini nassaarineqarsimasoq.
Ulloq taanna unnukkut nalunaaqutaq 19.38 Dronning Ingridep napparsimmavissuanit politiit kalerrinneqarput angut taanna toqukkut qimagussimasoq.
Politiit apuunnerminni angut attaveqarfigisinnaasimanngilaat erngerlutillu ambullance-mik aggersaallutik.
Angut 59-nik ukioqartoq nammineerlun toqusimasoq Nuup politiivini pigaartuusoq Gert Kristensen nalunaarpoq, taamalu pinerluttoqarsimasinnaanera ilimanngitsoq ilisimatitsissutigalugu.
Den 59-årige mand var død af naturlige årsager, meddeler vagthavende i Nuuk politi Gert Kristensen.
