Algeriami suli qaartartumeerisaqattaarput
Algeriami illoqarfimmi Bouirami marloriarluni ullaaq manna qaartartumeerisoqarmat inuit ikinnerpaamik aqqanillit toqutaapput, 31-llu ikiligaallutik. Nutaarsiassaqartitsivimmi Ritzauimi taama allaaserinnittoqarpoq.
aggustip 20-at 2008 05:39
Nutaarsiassaqartitsivik AFP naapertorlugu qaartartut Bouirami akunnittarfiup qanittuani qaarput, akunnittarfik taanna sakkutuut qullersaqarfianut aamma qanittunnguuvoq.
Qaartartumeerinermut suli pisuusoqarusunngilaq. Nutaarsiassaqartitsivilli Ritzau naapertorlugu peqqarniisaartartut al-Qaedakkut Algeriami arlaleriarlutik qaartartumeerisareerput.
Algeriami illoqarfimmi allami, Issers-imi, politiinngorniartut atuarfiannut ippassaq qaartartumeerisoqarmat inuit 43-t toqutaapput.
