Algeriami præsidenti qinigassanngorteqqinniartoq

Algeriami præsidenti, 82-inik ukiulik Abdelaziz Bouteflika, præsidentimut qinersisoqarnissaanut sassaqqippoq, naak tamanna amerlasuunit akerliuffigineqaraluartoq.
Algeriap præsidentia Abdelaziz Bouteflika qinigassanngorteqqinniarpoq. Asseq toqqorsivimmit. Assi © : Magharebia/Flickr Creative Commons
Allattoq Ritzau
marsip 04-at 2019 15:31
Nutserisoq Mads Lynge

Bouteflika, Algeriami præsidentitut tallimassaa sassarpoq, 2013-imili iluaallaernermi kingorna qaqutikkut tamanut saqqummertarsimalluni.

Bouteflikap præsidentimut sassaqqinniarnera nalunaarutigineqarmat akerliussutsiminnik takutitsisut imaaginnavipput. Angummi kaassuartakkami issiasoq nunap aqunneqarnissaanut tulluartuunngitsoq Algeriami innuttaasut akornanni amerlasuut isumaqarput.

Algeriami illoqarfinni assigiinngitsuni akerliussutsimik takutitsisoqarnerata nalaani akerliussutsiminnik takutitsisut politiillu akornanni aporaattoqarpoq, inuillu 200-ngajaat aqqunartitersimasut arfininngormat nalunaarutigineqarpoq.

Inuit tituusintilikkaat akerliussutsuminnik ippassaq sapaammi aamma takutitsipput. Bouteflika, Algeriami 1999-imili præsidentiuvoq.

Algeriami præsidentimut apriilip ulluisa 18-ianni qinersisoqartussaavoq.