Alfred Jakobsen pisortanngorpoq

Avatangiisinut Pinngortitamullu Pisortaqarfik pisortartaarpoq, pisortanngortorlu tassaavoq 45-inik ukiulik Alfred Jakobsen, Namminersorneq Pillugu Naalakkersuisoqarfimmi allaffimmi pisortaagallartutut atorfilik.

Alfred Jakobsen aningaasarsiornermut naatsorsuuserinermullu tunngasunik immikkut ilisimatusarsimasuuvoq kiisalu 1999-imiit 2001 tikillugu Peqqinnissamut, Avatangiisunut Pinngortitamullu Inuit Ataqatigiit sinnerlugit naalakkersuisuunikuulluni.

Alfred Jakobsen-ip KNAPK-mi siunnersortaanermi  Inuillu Issittormiut Kattuffianni siulittaasup tulliunermi nalaani avatangiisinut pinngortitamullu tunngasut sammisarisarsimavai. Kalaallisut, qallunaatut tuluttullu oqaatsinik atuisuulluni.

Alfred Jakobsen-ip Avatangiisunut Pisortaqarfimmi pisortanngornera Namminersornerullutik Oqartussani atorfinitsitsisarnermut Ataatsimiititaliamit tamarmiusumit isumaqatigiissutigineqarpoq.

Atorfinitsitsisarnermut Ataatsimiititaliaq qinnuteqartup suliassaminut naleqquttuunissaa aallaavigalugu atorfinitsitsisoq, Namminersornerullutik Oqartussani pisortaanerup Kaj Kleist-ip ilisimatitsissutigaa.