Alfit Islandimi upperineqarput
Alfeqarneranik upperisapalaaqarneq ima ingasatsigaaq, allaat soorlu nutaanik aqqusinniornermi eqqarsaatigilluarneqartarluni. Misissuisitsinermi kingullermi erserpoq, aqqusinniorneq unitsittariaqartarsimasoq, ujarasussunni alfeqarnera pissutigalugu.
- Siuaasatta upperisaat ataqqivavut, kinguaariillu allanut oqaluttuarpata, piffiit aalajangersimasut perloqqusaasut, ujarasussunniluunniit alfeqartoq, tamakku kulturikkut kingornussaapput erlinnartut, Islandimi Aqqusinniornermut allaffeqarfimmi attaveqaqatigiinnermut pisortaq oqarpoq.
Oqaluttuatoqqat pillugit Islandip Universitetiani professori, Terry Gunnell, oqarpoq, alfinik uppersapalaaqarneq Islandimi pinngortitamut peqqarneeqisumut attuumassuteqartoq.
- Alfinik upperisaqarneq pinngortitamut nunallu isikkuanut attuumassuteqarpoq, Guutimullu upperneq silarsuarmut tamarmut atorluni. Islandimiut upperisanut taakkununnga marlunnut upperinninnertik ajornartorsiutiginngilaat, taputartuunnerli ajorpaat, Terry Gunnell oqarpoq.
