Aleqap Naalakkersuisut siulittaasuusimanera ataatsimut isigalugu
Naalakkersuisoqatigiit sulineranni pisimasut kingumut qivialaarpavut, assigiinngitsunillu pisoqarsimavoq.
Suliaq siulleq tassaavoq Aleqa Hammondip qinersinermi ikiortigilluagaanut Julie Rademacherimut tunngasoq. Rademacher, Aleqa Hammondip siunnersortaatut qinersinerup kingorna atorfinippoq, atorfinitsitsinerli apeqquserneqarluni.
Aamma atuaruk Rademacherip Aleqa Hammond sakkortuumik saassuppaa
Naalakkersuisoqarfinni pisortat assigiinngitsut kingorna soraarsinneqanngikkunik nammineq tunuarput. Tassami naalakkersuisoqatigiit sulilermatali taamanikkut pisortat akornanni taamaallaat marluk atorfimminni suli maanna sulimmata.
Pisortat taarseraannerat Namminersorlutik Oqartussanut akisusimaqaaq, tassami assersuutigalugu Aningaasaqarnermut Naalakkersuisoqarfiup pisortaata soraarsitaaneranut atatillugu 2 millionit koruuninik ajunngitsorsiassaqartinneqarami, Namminersorlutillu Oqartussat inatsiseqarnermut pisortaata soraarsitaanerani 1 millionit koruunit sinnerlugit ajunngitsorsiassaqartinneqarami.
Kalaallit Nunaatalu Issittumi Siunnersuisoqatigiinni Danmarkip ataani inissisimalluni ataasiinnarmik inissaqartinneqarnissaa Aleqa Hammondip iliuuseqarfigaa, Siunnersuisoqatigiit ataatsimiinnerannut peqataajumannginnami.
Aamma atuaruk Aleqap Issittumi Siunnersuisooqatigiinnut peqataajumajunnaarnini sunnguamilluunniit pissarsiaqarfiginngilaa
KNI pillugu suliaq taava tullinnguuppoq. Siulersuisuni siulittaasoq soraarsitaavoq, pisortarlu kingorna aamma tunuarluni. Siulersuisuni ilaasortat pingasut aamma tunuarput, Namminersorlutillu Oqartussat suliffeqarfiutaanni siulersuisut nutaanik kingorna aamma taarsersorneqarlutik.
Aamma atuaruk Aqutsinermik immikkut ilisimasalik: KNI-p pisortaanera annikitsuaqqat pissutigalugit soraarsitaavoq
Aleqa Hammondip aappaata Aalisarnermut taamanikkut naalakkersuisumut Karl Lyberthimut siunnersortitut atorfinitsinneqarnera taava tullinnguuppoq. Ilaquttanik salliutitsilluni atorfinitsitsineq, isornartorsiuisut taamanikkut oqarput.
Aamma atuaruk Aleqa: Tom Ostermannip atorfinitsinneqarnera kukkuneruvoq
Aviisinut tapiissutit Inatsisartut Aningaasaqarnermut Ataatsimiititaliaata avataatigut peerneqarput, tusagassiuutit kiffaanngissuseqarnerulernissaat matumani oqariartuutaavoq, Naalakkersuisullu sunniuteqarsinnaannginnissaat aamma oqariartuutigineqarluni.
Aamma atuaruk Aleqap aviisinut tapiissutit qularnartumik tunngaveqarluni atorunnaarsippai
Nunatta aningaasaqarniarnera taassuma saniatigut pitsaavallaanngilaq, suliffissaaleqisut amerliartuinnavissimapput, qaleralinnit isertitat ikiliartorput, aatsitassaniillu aningaasarsiorsinnaanissamut periarfissat isumalluarnarpallaaratik. Tassami siunissami qaninnerusumi annerusumik piiasoqalernissaa pilersaarutaanngillat, soorlu Aningaasaqarnermut Siunnersuisoqatigiit nalunaarusiaminni taama inerniliussaqartut.
