Aleqap makku aamma peqataaffiginngitsoorpai

Ministerit aallartitallu Kirunami takornariarfiunerpaasartumi Jukkasjärvi sermimik akunnittarfiliami, ippassaq unnukkut qasuersaarput. Nalliuttorsiorpalaartumik naggataarnersiornermi Issittumi Siunnersuisooqatigiinnut ilaasortat angalaqataallu mamartorsuarnik nerisinneqarput. Saamit toqqiini sermimik akunnittarfiliap silataani napparneqarsimasuni nereqatigiittoqarpoq.
maajip 16-at 2013 08:24

Sermimik akunnittarfiliaq ukiut tamaasa sermimik kuussuarmeermik sananeqartarpoq. Iikkat, siniffiit, issiaviit allaallumi imerniartarfittaani immiartorfiit sermiupput. Akunnittarfik naammassillugu sananeqareeraangat inunnit 100-nit najugaqarfigineqarsinnaasarpoq. Apriilillu qaammataani aakkiartulersarpoq, maannakkorpiarlu matoqqalluni, Issittumi Siunnersuisooqatigiinnut aallartitanut immikkut ittumik maanna ammatikkallarneqarpoq.

Tikeraat akunnittarfimmut apuunnerminni imerniartarfimmi sermiusumi immiartorfinnik imeruersaammik tikilluaqqussummik tungujortumik inoroorsaarfigineqarput.