Aleqap Jens B. appisaluuppaa

- Paasisinnaavarput nulia napparsimasoq, taamaakkaluartoq Bruxellesimiittoq aamma Nunani Avannarlerni ataatsimiinnissamut peqataajartulersoq tusarparput. Allani sulisinnaaguni isumaqarpunga pingaarnersiuilluni inatsisartut ataatsimiinneranni peqataassasoq, Aleqa Hammond oqarpoq.

Jens B. Frederiksen nuliami napparsimanera pissutigalugu Inatsisartut ataatsimiinneranni peqataanani Europami ataatsimiinnerni peqataavoq.

- Bruxellesiliarnissarput aasarli pilersaarutaavoq, soorunami periarfissaqalerama aatsaat aallarpunga, Jens B. Frederiksen nassuiaavoq.

Tamannali Siumup siulittaasuata Aleqa Hammondip naammaginngilaa.

- Jens B-p apeqqarissaarfiginissaanut periarfissaqarsimanngilagut, massa sanaartorneq sanasullu atugaat pillugit apeqquteqarusukkaluarluta, Aleqa Hammond oqarpoq.

Jens B. Frederiksen pissuteqarluni Danmarkimiittariaqarsimavoq.

- Nuliama napparsimanera pillugu Qallunaat Nunaaniippunga, ilaquttama ilaginissaat pingaartikkakku, tamannalu uanga nammineq tulluusimaarutigivara aamma soqutiginngilluaasarpara Siumut qanoq isumaqarnersoq, Jens B. Frederiksen oqarpoq.