Aleqap Helle Thorning-Schmidt aqagu ataatsimeeqatigissavaa

Pilersaarutit malillugit unnugu Aleqa Hammond ilaquttani ilagalugit Københavnimut apuutissaaq. Taanna naalakkersuisunut siulittaasutut pisortatigoortumik tikeraarneraa siulliuvoq.

Ataatsimiinnermi tassani Aleqa Hammond-ip naalakkersuisut pingaarnertut pilersaarutaat, soorlu aatsitassarsiornermut suliniutinullu angisuunut inatsit paasissutissiissutigissavai. Aqagu nunatta nalunaaqutaa malillugu ullup qeqqata qeqqanut tusagassiortunik katersuutsitsissaaq, ataatsimiinneq qanoq ingerlasimanersoq nassuiaatigissallugu.

Pingasunngorpat pilersaarutit malillugit angalaqatigiit ukuusut: Aleqa Hammond, namminersorlutik oqartussani pisortaanerugallartoq Søren Stach Nielsen, Nunanut allanut allaffeqarfimmi pisortaq Kaj Holst Andersen, nunanut allanut attaveqarnermut pissuseqarnissamullu pisortaq Jakob Rohmann aammalu tusagassiinermut pisortaq Julie Rademacher Dronning Margrethe-mukassapput naalakkersuisut nutaat nalunaarutigiartorlugit, taama Sermitsiaq.ag allappoq.