Aleqap Helle naapissavaa
Partiit taakku marluk Folketingimi siunissami suleqatigiinnissaat ataatsimiinnermi oqallisigineqassaaq.
Folketingimut qinersinissaq immikkut aamma oqallisigineqassaaq, soorlu aamma suleqatigiinneq pitsaasoq patajaatsorlu qanoq ililluni nanginneqarsinnaanersoq sammineqarumaartoq.
Partiit taakku marluk suleqatigiinnerat nukittorsarneqarniarpoq, soorlu aamma ataqatigiinnerulernissaq anguniarneqartoq.
Siumup Helle Thorning-Schmidt statsministerissatut tikkuarumaaraa, Aleqa Hammondip erseqqissaatigaattaaq.
- Danmarkip statsiministeriligassaanik Siumup toqqaannartumik suleqateqarnera, Kalaallit Nunaannut iluaqutaallunilu pitsaanerussasoq, Siumup qularutiginngilaa, Aleqa Hammond oqarpoq.
Folketingimut kingusinnerpaamik novembarimi qinersisoqartussaavoq.