Aleqap digitali atorlugu isertortumik paasiniaasoqarsinnaaneranut sillimmartaartoqarnissaa pisariaqarsorinngilaa
Naalakkersuisut naapertorlugit ullutsinni teknologiimik atuiffiusumi nunat allat isertortumik Nunatsinni alapernaarsuisinnaanerat qulakkiivissorneqarsinnaanngilaq, Aleqa Hammond akissuteqarluni taama allappoq.
Olsvigittaaq apeqqutigaa Naalagaaffeqatigiit Issittumi suliniutaasa danskit naalakkersuisuisa isumaat malillugu isertortumik paasiniaasartunit alapernaarsorneqarnerannut atatillugu kalaallit soqutigisaannik illersuiniarlutik Naalakkersuisut qanoq iliuuseqarniarnersut.
Hammond tassunga atatillugu nassuiaavoq Naalakkersuisut ilaatigut Nunatsinni Politiit PET-lu oqaloqatigisimagaat, qanoq iliorluni isertortumik paasiniaasarnermut isumannaallisaasoqarsinnaanera pillugu. Nunattali illersorneqarnera pissutigalugu sutigut suliniuteqartoqarsimanera Aleqa Hammondip itisilerlugu oqaatigisinnaannginnerarpaa.