Aleqa: Uagut pisuunngilagut

  - Isumarput naapertorlugu isumaqatigiinnginnerit ataatsimiititaliami siulittaasulunnermik tunngaveqarput, Aleqa Hammond oqarpoq.

Radio Aviisimi ippassaq  tusarparput sapaatip akunnerata naanerani Per Berthelsenip aningaasaqarnermtu ataatsimiitsitaliamit tunuarnissaminik eqqarsaatersuuteqarsimagaluarnera,  tamannalu Siumut gruppeanik unitsinnerqartoq. Per  Berhelsenimi isumaqarpoq ataatsimiititaliami taamatut inissisimasoqartsillugu iluamik suleqatigiittoqarsinnanngitsoq. Siumulli siulittaasuata Aleqa Hammondip Per Berthelsenimut tunuaqqusinnginneq ima tunngavilersorpaa:

- Ajornartorisut Per Berthselsenip suleriusaaniinngilaq, kisiannili ataatsimiitiliami siulittaasup suleriaasaaniilluni, taamaattumik tunuarnissaa tunngavissaqanngilaq, Aleqa Hammond oqarpoq.

Ataatsimiititaliamilu  Per Berthelsenip Ataatsimiititaliallu siulittaasuata Olga P. Berthelsenip
suleqatigiissinnaanerat killeqarpat Siumumit issiasuutitap taarserneqarsinnaanissaa eqqarsaataasimanngilaq.

Ataatsimiititaliap iluani isumaqatigiinngittoqarnerani akisussaaffik tamakkiisoq siulittaasumiittoq aleqa Hammond isumaqarpoq.

Aleqa Hammondip aamma oqaatigaa inuiaqatigiinnut sullisinissaq pitsaanerpaaq anguniarlugu Siumumiit apeqquteqaateqartarlutik.