Aleqa: Taamani angisuumik kukkussuteqarpunga
- Ilumoorpoq 1996-imi pineqaatissineqarama. Taamani angisuumik kukkussuteqarpunga. Kinguneri akuerivakka pisuussuteqarlungalu nassuerutigalugu. Soorunami akiitsukka akiligassiissullu akilerpakka. Piffissaq ingerlareersoq pisoq taanna qaangiutereersutut isigilerpara, Aleqa Hammond tusagassiorfinnut nalunaaruteqarluni allappoq.
- Taamani iliuuserisimasakka soorunami ajuusaarutigivakka. Pisorli ukiut 17-t matuma siorna pisimasuuvoq.Inuuvunga allatulli oqaluttuassartalik. Isumaqarpunga qinikkatut iliuuserisakka angusarisakkalu aallaavigalugit nalilersorneqartariaqarlunga.
- Ilumoorpoq Berlingskemi allaarisaq pillugu annerusumik oqaaseqarusussimannginnama. Pineqartoq pisimasuuvoq uannut qaangiutereersimasoq naammassereersimasorlu annerusumik oqaaseqarfiginianngisara; Naalakkersuisut siulittaasuat Aleqa Hammond naggasiivoq.
