Aleqa pillugu suliaq Namminersorlutik Oqartussanit nassuiaatigineqartoq

Svend Hardenbergip saniatigut siulittaasoqarfimmi pisortap Mininnguaq Kleistip aamma akissarsialeriffimmi sulisoqarnermilu aqutsisoqarfiup pisortaata Lars Denckerip nalunaarusiaat aamma saqqummiunneqarpoq.

Akiliivallaarnissani ernumagisimavaa

Aleqa Hammondip nammineq akiligassarinngisaminik akiliinissani ernumagisimagaa nalunaarusiami erserpoq, akiligassanilu fakturat kukkuneqarsorigamigit akilerumasimanagit, naak  akiligassat amerlanersaat namminerisamut attuumassuteqartuusut, pisortaasumit ersarissumik takutinneqaraluartut.

Taamaattumik Aleqa Hammond januaarimi peqquneqarpoq suut kukkusumik akiligassiissutigineqarsimanersut nalunaarutigeqqullugu, arlaleriarlunilu akileeqqusissuteqartoqaraluartoq aatsaat juulimi akissuteqarluni.

Aamma atuakkit Namminersorlutik Oqartussanit nassuiaatigineqartut

- Aleqap uparuaanermini Uummannami Aasiannilu nalliuttorsiornernut qaaqqusinermi ilaquttat ilaasinnaanerannut paasitinneqarnini tunngavilersuutigaa aapparisamilu angalaqataanera akilerumasimanagu. Angalaneq taannarpiaq bilagini takussaavoq. Aleqalu allanik kukkussuteqarsimanernik nassaarsimanani, Mininnguaq Kleist allappoq.

Misissuisoqareermat aatsaat akiliivoq

Aleqa Hammondip bilagit pineqartut immikkoortissinnaasimanngikkai, namminerminullu tunngassutillit sulinerminut atatillugu Euro-cardi matumani atortarsimagaa aamma misissuinermi paasinarsivoq,

Aamma nunatta karsianut akiligassaqarnera Deloittemit Inatsisartut kukkunersiuinermut ataatsimititaliaat paasitinneqareermat Aleqa Hammondip akiligassani aatsaat akilersimagai misissuinerup aamma takutippaa. Pisumi tassani allagaqaasiap imarisaa immannguaannaq allanngortinneqarpoq, taamaalisoqareermallu Aleqa Hammondip akiligassani akilersimallugit.