Aleqa oqaaseqarnissaminut qujaannarpoq

Aleqa Hammond, Siumut, Sara Olsvigip IA-meersup paragraf 37 najoqqutaralugu apeqquteqaataanut, ilaatigut taama akissuteqarpoq. 

Ministerit pisortatigoortumik ataatsimiinneranni Naalakkersuisut Siulittaasuat peqataasimagaluaruni minutsimi ataatsimi sekuntinilu 40-ni Nunarput sinnerlugu oqaaseqarsinnaatitaasimagaluartoq, akissummi erserpoq.

Aleqa Hammondip oqaaseqarnissamut piffissamik naammaginninnginnera akissummi aamma taaneqarpoq:

- Nunanut allanut ministerit matoqqasumik ataatsimiinnerannut, Naalakkersuisut Siulittaasuat aamma Savalimmiuni naalakkersuisut siulittaasuat peqataasinnaanngillat, taannalu pilluni ministerit pisortatigoortumik ataatsimiinnissaat sioqqullugu unnukkut. Ataatsimiinnermi tassani alaatsinaatsutut inissisimasussat pillugit aalajangiisoqarpoq.

Aleqa Hammondip Sara Olsvigimut akissutaani ilaatigut taama allassimavoq.