Aleqa: - Kanngusunnginnerluni?
- Tupinnarpoq politikkikkut ingerlatsinermut inatsisartullu nakkutilliinerannut atorfillip akuliunnera. Atorfilinnit kissaatigineqarami demokratiip killilerneqarnissaa immaqaluunniit inatsisartut Nalakkersuisunik nakkutilliinerat, imaluunniit isertugassaqaramik? Taama Aleqa Hammond tusagassiuutinut nalunaaruteqarnermini allappoq.
Aleqa Hammond siunnersuivoq, atorfilittat allat suliassat suliarisalissagaat imaluunniit suliassat suliarisinnaanngikkunikkunikkit allanut ingerlateqqittalissagaat.
- Hr. Jens K Lyberth, suliassatit paarikkit, uagut suliassatsinnik paarsinerput killilerniarnagu.
Aleqa Hammond isumaqarpoq Jens K. Lyberthip oqaatigisariaqaraa suut suliassat piffissaqarfigineqannginnersut.
- Naalakkersuisoqarfimmi pisortaq erseqqissumik nassuiaateqartariaqarpoq suliassat Aalisarnermut naalakkersuisoqarfimmi sorpiaat suliarineqarnissaraluat kinguarsarneqartarnersoq, Siumup siulittaasua Aleqa Hammond taama aperivoq.