Aleqa Kaj Leolu ullumi naapissapput
![](/sites/default/files/styles/image_934x467/public/article_images/aleqa_h_0.jpg?itok=8GM71CtK)
- Savalimmiuni ataatsimeeqatigissavara, Savalimmiormiut naalakkersuisut siulittaasuat. Pingaaruteqarpoq Savalimmiormiullu aamma marliuinnaalluta immikkut ataatsimeeqatigiittarsinnaanissarput.
Naalagaaffigeeqatigiinnerup iluani suliassaqartugut pillugit eqqartuissuugut, aamma ilaannikkooriarluni namminersortuulluta isummersuuteqarnissarput naalagaafiup tungaanut pissusilersornissaq ilaannikkooriarluni ataqatigiissarnissaa pingaaruteqartarmat, Aleqa Hammond taama oqarpoq.
Aleqa Hammondip Savalimmiuni Naalakkersuisut siulitatasuat, Kaj Leo Johannesen, ataatsimeeqatigileruniuk oqaluuserisassani pingaarnerutitani suunersut nassuiarpai.
- Savalimmiormiut aalisarnikkut tunngatillugu imaannaanngitsumik inissisimatinneqarnerat, kisianni aamma saniatigut, issittumi siunnersuisoqatigiinni suleqatigiiffigisinnaasagut pillugit ilusilersueqatigiissaagut, Aleqa Hammond taama oqarpoq.
Tassalu issittumi Siunnnersuisoqatigiillumi pineqartillugit naalakkersuisut siulittaasuata politikkikkut inissisimafia allanngorsimavoq.
Tassami naalakkersuisut Issittumi Siunnersuusoqatigiinni inissat pillugit periusissatut pilersaaruteqaraluarput, Inatsisartut nunanut allanut tunngasunut ataatsimiititaliaannut saqqummiussimasaminnik, Radioavisimillu iluatsitsinikkut oqaluttuarisinnaasimasatsinnik.
Aleqa Hamondip Issittumi Siunnersuisoqatigiinnut ataatsimiigiarnerminik taamaatitsinerata kingorna periusissatut pilersaarut taanna malillugu, Naalaagaffeqatigiit tamarmik siuttui Siunnersuisoqatigiinni ataatsimiinnerni issiaveqartineqassapput.
Taamaassinnaanngippat Savalimmiut pilliutigineqassapput, Nunarput Danamrkilu kisimik issiavissaqarlutik.
Aleqa Hammondilu maanna paaseqquaa, Savalimmiut tapersersoramigit.