Aleqa illuatungiliuttunut: Innuttaasuni amerlanerussuteqartut aalajangigaat ataqqineqartariaqarpoq

Inuit Ataqatigiit, Partii Naleraq, Demokraatit Partii Inuillu Naalakkersuisunik isornartorsiuipput, Inatsisartunullu piaarnerpaamik qinersisoqarnissaa piumasaralugu. Naalakkersuisut siulittaasuata Aleqa Hammondip tamanna tusaatissatut tiguaa.
Allattoq Mads Lynge
aggustip 29-at 2014 09:31

- Ungasissorsuungitsukkut qinersisoqarpoq, innuttaasullu oqariartuutaat ersarippoq. Siumup Kalaallit Nunaanni naalakkersuinikkut siuttuunissaa kissaatigaat. Tamanna tutsuiginartutut isigineqartariaqarpoq, innuttaasullu kissaataat ataqqineqartariaqarpoq, Aleqa Hammond KNR-imut oqarpoq, nangillunilu:

- Politikkikkut anguniakkat, innuttaasunut neriorsuutigineqarnikuullutillu qineqqusaarutigineqarnikuusut, piviusunngortinniarneqarnissaannut suliaq annertoqaaq imaaliallaannarlugulu naammassineqarsinnaanani, Naalakkersuisut siulittaasuat oqarpoq.

- Illuatungiliuttut isumaqatigippassuk isumaqatiginngippassulluunniit tusaatissatut tiguinnagassaavoq, Nunatsinnili atukkat siornamut naleqqiullugit ullumikkut pitsaanerulersinneqarnissaanut sulinissatsinnut innuttaasunit piginnaatinneqarpugut, Naalakkersuisut siulittaasuat Aleqa Hammond KNR-imut oqarpoq.

AAMMA ATUARUK Illuatungiliuttut ataatsimoortut: Qinersisoqarli

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk