VIDEO Aleqa Hammondip qinigassanngortinnera Siumumi avissaartuussutavoq

Siumumi siulittaasuusimasoq Aleqa Hammond, uissuumminartumik partiimit folketingimut qinigassanngortinneqarpoq. Siulersuisuunernili ataatsimiinnermi pingaarutilimmi isumaqatigiittoqanngilaq - partiillu siulittaasuata Kim Kielsenip ataatsimiinneq taanna suli naammassinngitsoq minutsinik 45-nik sioqutsilluni qimassimagaa, KNR-ip paasivaa.

Aleqa Hammondip folketingimut  juunip 18-ianni qinigassanngortinneqarnissaa aalajangiiffigineqarpoq, Siumumi siulittaasuusimasoq siulittaasutut Naalakkersuisullu siulittaasuattut tunuartariaqarneraniit qaammatit arfineq pingasut qaangiutiinnartut.

Kukkunersiuinermut ataatsimiititaliap inerniliuteqqammerpaa, Aleqa Hammondip nunatta karsia aningaaserivittut atoramiuk ilaatigut angalanernut 100.000 tusind koruunit sinneqartut atorsimagai. Taamaattumik toqqarneqarnera amerlaqisunik pakasaavoq, tusarfiillu arlaqartut naapertorlugit aamma Siumumi aqutsisut arlaqartut akornanni akerliusoqarpoq.

Aamma atuaruk Siumup siulittaasua nipangersimajuarsinnarpoq

KNR-ip Siumup siulittaasua Kim Kielsen maannamut oqaaseqartinniarsimagaluarpaa, siulersuisuunernilu ilaasortat allat nassuiartinniarlugu ataatsimiinnermi tassani qanoq pisoqarsimanersoq; ataatsimiinnermi Aleqa Hammondip qineqqusaarnissaata aalajangiiffigineqarfiani. Arlaannaalluunniilli ataatsimiinnerup ingerlasimanera pillugu oqaaseqarusussimanngilaq.

Siumumi folketingimut qinigassanngortittut sisamaasut ilaat Martha Abelsen, siulersuisuunerni aamma ilaasortaasoq KNR-imut ullumi ima oqarpoq:

Siulersuisuunerit qinigassanngortittut taakku sisamat toqqarpaat. Tamatuma saniatigut oqaasissaqanngilanga.

Siulittaasup Kim Kielsenip tulliataluunniit Jørgen Wæver Johansenip ullumi oqarasuaatitigut saaffiginnissutigut, qarasaasiatigulluunniit allakkavut akinngilaat.

Kim Kielsenip allattaa, Karen Motzfeldt Facebookimi quppernermini arfininngormat ima allappoq;

... Siumup siulersuisuunerisa partiimi siulittaasuusimasup Folketingimut qinigassanngortitassatut siunnersuutaa pinngitsoornanga oqaaseqarfigisariaqarpara. ... Siunnersuutigisaasoq ilumut Siumumi amerlanerussuteqartut piumasarivaat - imaluunniit nuimanerit ikittuinnaat piumasarivaat? (...) Aappassaannik isumaqarpunga Siumup siulersuisuunerini pilersaarusiornerluttoqartoq ullutsinni inuk akerleriiffiunerpaasoq nunanut allanut qinigassanngortissallugu.

Aamma atuaruk VIDEO Aleqap politikkikkut uteqqinneranut isummat assigiinngitsut

Partii Siumup allattaa Mikael Petersen ullumi ima oqarpoq;

... ataatsimiissimaneq taanna eqqartoqqinniarnagu.

Tamatuma saniatigut itisilerusunngilaa, ataatsimiinnermi qanoq pisoqarsimanersoq, Siumullu sinnerlugu folketingimut qinigassannortinneqartoq Aleqa Hammond pillugu tapersersorlugu akerleraluguluunniit qanoq tunngavilersuisoqarsimanersoq.

Aamma atuaruk VIDEO Hammond uummateqarfigisani pillugu

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat