Aleqa Hammondip paarlatsissaa tallimanngorpat ilisiaritinneqassaaq
Aningaasaqarnermut Nunanullu Allanut Naalakkersuisup paarlatsissaata ilisaritinneqarnissaa tallimanngorpat pissasoq ilimagineqarpoq. Naalakkersuisoqarfiit pineqartut Hans Enoksenip maannakkorpiaq akisussaaffigigallarpai.
Allattoq Louise M. Kleemann
Aningaasaqarnermut Nunanullu Allanut Naalakkersuisoq Aleqa Hammond ippassaq nalunaarpoq, aningaasaqarnermut tunngasutigut saqqummiussani naalakkersuisoqatiminit tapersersorneqanngimmata naalakkersuisutut tunuarluni.
Hans Enoksen massakkut Ilulissaniippoq, Kalaallit Nunaanni Kommuneqarfiit Kattuffiata ukiumoortumik ataatsimeersuarnissaannut peqataajartorluni.
Naalakkersuisut siulittaasuata, naalakkersuisuni ilaasortat allannguuteqarnissaat pillugit ullumi Radioaviisimit aperineqarami akiumasimanngilaq.