Aleqa Hammond Siumumi siulittaasunngorpoq
Siumup siulersuisuunerisa ippassaq ataatsimiinerminni aalajangerpaat, Aleqa Hammondip Hans Enoksen taarserlugu Siumumi siulittaasunngussasoq.
Allattoq Elisa Isaksen
juunip 09-at 2009 07:29
Juunip aappaanni qinersinermi partiip kinguariarnerata kingornagut, qinersinermilu Aleqa Hammondip siulittaasumit qinigaanerunerata kinguneranik siulittaasumik nutaamik toqqaasoqarnissaa naatsorsuutigineqalerpoq. Aleqa Hammond 1.033-nik taaneqarpoq Hans Enoksenilu 1.002-nik taaneqarluni.
Aleqa Hammond ualimut nalunaaqutaq pingasunut siulittaasunngortinneqassaaq.
Tamatumunnga peqatigitillugu Siumup Hans Enoksen partiimilu siulittaasuusarsimasut aamma Inatsisartuni ilaasortaajunnaartut Jonathan Motzfeldt aamma Lars-Emil Johansen, partiimi sulilluarsimanerannik qutsavigineqassasut, partip allattaa Mikael Petersen allappoq.