Aleqa Hammond Qaanaamukalerpoq

Qaanaami pissutsit qanorpiaq innersut Ilaqutariinnermut pisortaqarfimmeersut namminneq isiminnik takujumavaat.

Qaanaami meeqqat inuusuttullu Karen Littauerip oqaatigisaatut sumiginnagaatigisimappata, aggutsip qaammataani pisussatut pilersaarutiminnit siusinnerusumik alakkaajartortariaqarlutik, Ilaqutariinnermut Inatsisinullu Atortitsinermut Naalakkersuisoq Aleqa Hammond oqarpoq:

Uanga tikeraartussaareertutut aggutsimi pilersaarutigereerparput – tassa uani sumiginnaanerup akiorniarnerani illoqarfikkaartumik angalaarnitsinni aggutsimi Qaanaaq pisussaavarput, kisianni uanga tusakkat kingorna, aalajangerpugut tassa siusinnerusumut nuuttariaqassasoq. Aleqa Hammond aallartippoq.

Aperaarput meeqqat inuusuttullu pikkorissarneqarnerminni Karen Littauerimut Orto Ignatiusseniumullu oqartarsimasut imigassaq matusariaqartoq oqaatigisarmassuk ilumut matusariaqarnersoq.

- Isumaqarpunga Karen Littauerip taamannak oqariartuutaa inuiaqatigiinni ajoraluartumik nutaarsiassaanngitsoq. Tassa meerarpassuaqartarpoq sumiginnarneqartunik, taakkulu kissaatigisarpaat angajoqqaamik imerunnaarnissaat. Imigassartorpallaarnerup, ikiaroornartutorpallaarujussuarnerup aamma aningaasanoorajunnerujussuup kingunerisaanik nunatsinni meeqqat paaqqutarineqanngitsut amerlavallaarput, taamaattumik isumaqarpunga meeqqat taamatut kissaateqarnerat annertuumik angajoqqaajusunut – akisussaasunut – apuutsilluarnissaa pingaartorujussusoq. Ukumi perorsarneqarnissaminnik ataqqineqarnissaminnik aamma pisinnaatitaaffeqarput, Aleqa Hammond oqarpoq nangillunilu.

- Isumaqarpunga paasisitsiniaanerup saniatigut ilitsersuinerullu saniatigut imigassamut tunngatillugu naalakkersuinikkut aalajangiisinnaasoqarnissaa pingaaruteqaruteqarluinnartuusoq.

- Imigassaq taama ajornartorsiutigineqartigippat pingaaruteqarpoq Qaanaap kommunalbestyrelsea nalilersueqataatissallugu, taakkua imigassap qanoq atugaatiginera isummersuuteqarfigissammassuk.

Ilaqutariinnermut Naalakkersuisoq Aleqa Hammond taama oqarpoq. Karen Littauer Qaanaami isiginnaartitsinermik qaammatini pingasuni Otto Ignatiussen-ilu suliartik ungasinngitsukkut naammassivaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat