Aleqa Hammond Nuuk TV-mi unnugu apeqqarissaarfigineqassaaq

Nuuk TV-p aallakaatitassiaa nutaaq Akissut unnugu aappassaat aallakaatinneqalerpat ilaatigut apeqqut taamaattoq Elna Egedep Naalakkersuisut siulittaasuanut apeqqutigissavaa.

Siumumi avissaartuunneq aatsitassarsiornerlu pillugu politikkip ineriartortinneqarnera aamma Aleqa Hammondimut paasiniassavarput.

Akissut Nuuk TV-mi siullermik sapaatip akunnerata uuma siuliani aallakaatinneqarpoq. Ullutsinni pisartut aallakaatitami itisilerneqartassapput pissaanillillu nutaarsiassani eqqartorneqartanngitsunik apeqquteqarfigineqartassallutik.

Elna Egede Nuuk TV-p kommunimut qinersinissatsinnut aallakaatitaani aamma ingerlatitsisuusoq aallakaatitami apersuisassaaq.

Nunatsinni ukiut qulikkuutaat pingasut ingerlaneranni tusagassiortarneq annertuumik sunniuteqarfigaa eqqartukkallu oqimaassinnaasut toqqaannartumik paasisaqarfigerusuttarlugit.

Aallakaatitaq unnugu Nuuk TV-p nutaarsiassaatai naariarpata isiginnaaruk

Nuuk TV-p paasissutissiissutigaa, apeqqarissaarneq aallakatinneqariarpat Nuuk TV-p nittartagaanut, www.nuuktv.gl-imut, ikkunneqarumaartoq.