Aleqa Hammond: Nukissiorfiit attartugaat ilaatinneqartariaqarput

Aappaagumut aningaasanut inatsisissatut siunnersuut saqqummiunneqarmat kisitsisit assigiinngitsut qulequtaannaanerusullu saqqummiunneqarput.

Nunatta karsiata aningaasalersortagai, tassa atukkiuttagai, Nukissiorfinnut tunngassuteqartut, aningaasanut inatsisissami siunnersuummi atukkiussassaannartut utertinneqartussatullu inissillugit aningaasartuutaanngitsutut inississimagallartinneqartut, Aleqa Hammond oqarpoq.

- Amigartoorutissat ikinnerusussatut taamaasillutik isikkoqalerput. Aningaasanut inatsisissap suliarinerani pisussaavugut aningaasartuutaasinnaasut tamaasa inerniliussamut, tassa DAU-resultatimut, ikkutissallugit. Tamatumalu immikkut inissinneqarsimanera uani maluginiagassaavoq. Aningaasanut inatsisissamik tamanna kusassaaneruvoq, Aleqa Hammond Radioaviisimut oqarpoq, nangillunilu:

- Soorunami ilaatinneqartussaapput. Aningaasanut ianstimmut tunngassuteqartuupput, tassa Nukissiorfiit aktieselskabinngortinneqanngippata Nunatta karsianinngaanniit toqqaannartumik aningasalersorneqartarnissaat pisussaajuaannarpoq. Taamaattumik taanna allanngortinneqartinnagu aningaasanut inatsimmut ilaatinneqartuartussaapput, Siumup siulittaasua Aleqa Hammod oqarpoq. Aningaasanut inatsisissami 100 millionit koruuninik 2013-imi sinneqartooruteqarnissaq Naalakkersuisut siunniuppaat.