Aleqa Hammond: Meeqqat Ulluat malunnartilluartigutoq
-Nunarsuaq tamakkerlugu meeqqat ulluat tamatta qanortoq eqqaamallugulu malunnartilluaritigutoq.
Meeqqat pilluaritsi!
Meeqqat Ulluannut atatillugu taama allappoq ilaqutariinnermut Naalakkersuisoq Aleqa Hammond.
Meeqqap peroriartornermini tunngaviusumik pisariaqartitai, tassalu asaneqarneq toqqissisimatitaalluni tikilluaqqusaalluni ataqqineqarlunilu peroriartornissaa tamatta inuiaqataasutut akisussaaffigigipput, Ilaqutariinnermut Naalakkersuisoq erseqqissaavoq.
Meeqqat atugaasa pitsaanerulernissaat anguniarlugu unigani suliniartoqartuarnera Aleqa Hammondip aamma erseqqissatigaa.
- Inunnut meeqqanik inuusuttuaqqanillu sullissisunut pikkorissaanerit siorna ukiakkulli ingerlanneqarput.
Ilaqutariittaaq immikkut pisariaqartitallit eqqarsaatigalugit ilaqutariinnik katsorsaanerit aallartisarneqarput, ilaqutariinnut siunnersuisartut kommunini ilaqutariinnik qanimut sullissisussat atorfinitsiortorneqarlutik.
Tusagassiutit aqqutigalugit meeqqat inuusuttullu pisinnaatitaaffii erseqqissartuarneqarput, meeqqat inuttut allatulli pisinnaatitaaffeqarnerat nalornisigineqassanngimmat, Aleqa Hammond allappoq.
