Aleqa Hammond: Issittup imartaani oqartussaaqataassuugut

- Silap kissakkiarnerani avannaarsuatalu angalaffigiuminarsiartornerani issittup inuisa oqaluuseritikkumasatta nunarsuarmi oqaluuserineqalernissaat piffissanngorpoq. Aningaasanut nunanullu allanut naalakkersuisoq, Aleqa Hammond, taama oqarpoq.

Qalersersuup imartaata qanoq atorneqarnissaa pillugu, nunat isittup imartaanut sineriallit, nunatta Danmark-illu aamma Rusland-ip, USA-p, Norge-p kiisalu Canada-p naalakkersuisa aallartitaat, Ilulissani aqagu ataatsimiissapput, tusagassiortunit nunani tamalaaneersunit malinnaaffigineqarlutik.

- Immitsinnut illersorsinnaasariaqarpugut. Angallannerujussuaq pilertinnagu nunat tamattaasugut susassareqatigiittugullu paaseqatigiiffiusumik piareersartariaqarpugut, nunatta imartattalu ajortumik pineqannginnissaa anguniarlugu, Aleqa Hammond oqarpoq.

- Pingaartumik massakkut issittoq taama annertutigisumik isiginiarneqartillugu, susassaqarfivut pisussaatitaaffivullu malillugit iliuuseqartariaqarpugut. Ukiami takuarput, russit erfalasortik qalasersuarmi takutinniarsuaaraat. Taama iliorneq nunani tamaalaani suleqatigiinnermik siuarsaasuungilaq, nunanut allanut naalakkersuisoq nangippoq.

Ilulissani ataatsimeersuarnermi nunat tallimat qalasersuarmut qanittut qanoq suleriaseqarnissaannik pisussaaffigiliisussaavoq. Aleqa Hammond-illi oqarneratut, russit sukataalereerput.

Kikkummi allat aamma sukataassasut naatsorsuutigineqarpa?

- Nunatsinniit Danmarkimiillu siuttuulluta ataatsimiineq ingerlapparput. Uagut oqaluuserisassanik aaqqissuinitsinni pingaarnerpaatut inissisimavugut. Taamaattumik Nunatta oqariartuutissaa uani isiginiarneqartariaqarpoq. Tassa issittoq oqaloqatigiissutigineqaannarunnaarpoq, issittumili inuusugut namminneq aamma oqaluuserititassagut oqaluuserisassanngussapput, aningaasanut nunanullu allanut naalakkersuisoq, Aleqa Hammond, naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat