Aleqa Hammond: 27 mio. koruunit nalinganut aningaasaliinissamut periarfissaqanngilagut!

januaarip 27-at 2006 17:15

Qasigiannguani utoqqaat illuat pisoqalilluinnarsimasoq isumannaallisaanikkut illersorneqarsinnnaanngimmat, sanaartornermullu inatsit malillugu avitseqatigiilluni aningaasaliinissamut kommune akissaqanngimmat, Namminersornerullutik Oqartussanut saaffiginissuteqarpoq, utoqqqat illuliornermi tamakkiisumik akiliunneqarsinnaaneq anguniarlugu.

Saaffiginnissulli itigartinneqartinneqarpoq.

Ilaqutariinnermut Naalakkersuisoq Aleqa Hammond oqarpoq Qasigiannguani 27 million koruuninik nalilimmik utoqqaat illuliliorniarnermi tamakkiisumik aningaasaliinissamut periarfissaqaratik:

- Qasigiannguani utoqqaat illuannut nutaamik sanaartornissamut tamakkiisumik aningaasaliinissamut Naalakkersuisut pisinnaatitaanngilagut, sanaartornermi inatsit malittariaqaratsigu, Aleqa Hammond oqarpoq.

Kommunini sanaartornernerni Namminersornerullutik Oqartussat Kommunillu avitseqatigiillutik akiliisarput.

- Qasigiannguit immikkut isigisinnaanngilarput, assigiimmik kommuninut tamanut periuseqartariaqaratta, Aleqa Hammond oqarpoq.

Naalakkersuisoq aamma oqarpoq Qasigiannguit Kommuneanni utoqqat illuliorniarnermi immikkoortukkaartumik sanaartornikkut avitseqatigiilluni aningaasaliisoqarsinnaaneranik neqerooruteqarfigitissimallutik.

Qasigiannguanili borgmesteri Jess Svane oqarpoq immikkoortortukkaarluni sanaartortoqarsinnaangitsoq.

- Immikkoortukkaartumik sanaartortoqassagaluarpat utoqqaat ilaat siulliullutik nuutinneqartariaqassapput, taamaalillunilu sulisoqarniarnikkut allatigullu marloriaammik aningaasartuuteqartariaqassalluta, tamanna kommunip akissaqartinngivippaa, Jess Svane oqarpoq.

Qasigiannguani utoqqaat illuliornissamut kommuni 2001-mi aningaasanik immikkoortitsereeraluartoq, Royal Greenland-ip suliffissuata matuneratigut immikkoorteriikkat inunnut suliffissaleqisunut ikiuutitut atorneqartariaqarsimapput.